عرض مشاركة واحدة
قديم 21-10-2018, 11:03 PM   #251


الصورة الرمزية عبدالقادر الذوباني
عبدالقادر الذوباني غير متواجد حالياً

بيانات اضافيه [ + ]
 رقم العضوية : 2140
 تاريخ التسجيل :  May 2015
 أخر زيارة : 11-06-2020 (11:59 AM)
 المشاركات : 724 [ + ]
 التقييم :  420
 الدولهـ
Saudi Arabia
 الجنس ~
Male
 MMS ~
MMS ~
 SMS ~
يالغلا تدري بشوقي وحبي ماخفاك
وان قلبي ياهوى البال في حبك هوى

تشتكيني من صدودي وانا أبكي جفاك
وانت عندي عالي القدر زايد بالغلى

اذكرك بالخير حزة حضورك وابقفاك
راضي بحبك وساس المحبه بالرضا

الوفى عندي طبيعة ولا يشبه وفاك
ارتجي شوفك وانا بين خوفي والرجا

خذت قلبي خذت روحي ولكن ماكفاك
اتناسى ذكرياتك وقلبي ما نسى

ياحبيب الروح قلي علامك وش بلاك
كل ما جيتك بالاشواق رديت بجفى
 الأوسمة : 2
وسام الشعر  الشاعر المميز 
لوني المفضل : Darkblue
افتراضي اليوم الوطني88



سلام الله لدار العز والتوحيد والايمان
سلامٍ تدوي ارعوده ويروي الارض من سيله

سلام الله لقايدنا وحاكمنا الملك سلمان
ابو الظفرات حزم وعزم من ياصل مواصيله

سلام الله لسلمان العروبة ذا خزم ايران
وبركهم وقيدهم بساعة من طرف ليله

ملك بالعدل يحكم منهجه من محكم القران
كتاب الله والسنة بها الدستور تأصيله

سلام الله لولي العهد عز وفخر للعربان
محمد رؤيته رؤية وطن يعتد في جيله

ضرب موج العدالة مركب الإفساد والطغيان
تسونامي فضح في المجتمع اكبر اراذيله

وقاد المملكة نحو التقدم باوسع البيبان
حضارة واقتصاد اليوم نجني من محاصيله

سعودية ديار العز نعم الجار للجيران
ومن ينخى السعودية بقوة باس توفي له

بها مكة بها طيبة دوا المضيوم والحيران
مشاعر بالمشاعر افئدة لـ إيمان تاويله

الا يا موطني مالك مثيل بجملة الاوطان
قصيدي فيك مايوفي ويقصر فيك تبجيله

ثمانين وثمان اسنين متوحد ورفعة شان
وعيدك عاد ياوطني بأمن وسعد ندعي له

سلام الله على ابطال الوطن والشمّخ الشجعان
حماة الدين والدولة اذا صاب الزمن ميله

فعول جنودنا تشهد وتشهد ساحة الميدان
تدق خشوم عاديها و يلقى شر تنكيله

نفاخر نفتخر والفخر تاج الراس للفرسان
بقبلتنا وقادتنا ومصحف زان ترتيله

نضحي لجل دين الله وندحر كايد العدوان
ومن يمكر بنا يلقى مصير الاشرم وفيله

نجاهد في سبيل الله لجل الدين ماينهان
ويحمي موطني والدين بعد الله رجاجيله

نسالم من يسالمنا ونوقد للعدو نيران
نرد الصاع له صاعين ما ننقص مكاييله

حدود اللملكة تكرم ثراها غالي الاثمان
عن الحوثي واشكالة ومن غرته اباطيله

على الحدالجنوبي باس شجعانٍ ابد مالان
بجيشٍ سطر التاريخ في الحوثي افاعيله

اذا منا جريح الجرح يبرى في مدى الازمان
واذا منا شهيد فجنة الرحمن تزهي له

يجمعنا الولى في مجتمع مترابط البنيان
جسد واحد حكومة وشعب مايرضى بتبديله

خذينا العلم نبراس العقول ومفخرة لانسان
ونور العلم اشعل في دجى الظلمى قناديله

واخير القول صلوا عـ النبي الهاشمي العدنان
عدد نون همى من عقب ما زانت مخاييله

#الذوباني
 

رد مع اقتباس