عرض مشاركة واحدة
قديم 20-02-2019, 12:43 PM   #254


الصورة الرمزية عبدالقادر الذوباني
عبدالقادر الذوباني غير متواجد حالياً

بيانات اضافيه [ + ]
 رقم العضوية : 2140
 تاريخ التسجيل :  May 2015
 أخر زيارة : 11-06-2020 (11:59 AM)
 المشاركات : 724 [ + ]
 التقييم :  420
 الدولهـ
Saudi Arabia
 الجنس ~
Male
 MMS ~
MMS ~
 SMS ~
يالغلا تدري بشوقي وحبي ماخفاك
وان قلبي ياهوى البال في حبك هوى

تشتكيني من صدودي وانا أبكي جفاك
وانت عندي عالي القدر زايد بالغلى

اذكرك بالخير حزة حضورك وابقفاك
راضي بحبك وساس المحبه بالرضا

الوفى عندي طبيعة ولا يشبه وفاك
ارتجي شوفك وانا بين خوفي والرجا

خذت قلبي خذت روحي ولكن ماكفاك
اتناسى ذكرياتك وقلبي ما نسى

ياحبيب الروح قلي علامك وش بلاك
كل ما جيتك بالاشواق رديت بجفى
 الأوسمة : 2
وسام الشعر  الشاعر المميز 
لوني المفضل : Darkblue
افتراضي قصيدة أبجديةالوطن



أبجدية الوطن.

الف اوالف من جزيل المعنى
وابدى بذكر الله فوز ومغنى
اللي بتوفيقٍ منه جمعنا
سبحانه المعبود ربٍ عالي

والباء بثني بالصلاة واسلم
بالقول للهادي وخير معلم
بدر السما مايوصفه متكلم
عليه صلى الله وعلى الالي

والتاء تمنيت وحصل لي شفي
تبدي هواجيس الذي متخفي
تسري القصايد واحتويها بكفي
بالمحبرة جر القلم موالي

والثاء ثلاثة لاتحيّد عنها
ثباتها واجب اذا تفطنها
دين وملك في موطنٍ تامنها
ثلاث نرخص لجلها بالغالي

والجيم جاهر بالولى والطاعة
جنب هروج مروج الاشاعة
جيناتهم جربا بلا مناعة
وشلون الاجرب يحتمل لحمالي

والخاء خليج العرب محمي محمي
خل العجم والفرس وايا عزمي
يهرطقون بقول ماهو رسمي
من شق صفه بات في لاذلالي

والحاء حماة الحد حرزٍ حامي
حره على خشم المعادي حامي
حجيج بيته وكل طيرٍ حامي
يامن بمان الله وعز رجالي

والدال ديباج الفخر والعزه
دوله علمها فخر يوم ترزه
دستورها القرآن ماشي هزه
محكم ومن كل الشوايب خالي

والذال ذروة مجدنا قبلتنا
ذيك الديار الطاهرة وطيبتنا
ذرى مقدس تقصده امتنا
تستاهل التقديس والاجلالي

والراء روابي نجد نجد الهمه
مرسى طويق وسيل وادي الرمه
فيها الرياض اللي علت عالقمه
ريمٍ على روض الحيا تختالي

والزاي زان الجو بالمصايف
عسير والباحة وعطر الطايف
وجازان ونجران النسيم الكايف
من زارها عن كل همه سالي

والسين سلني عن هوا الشرقية
تبري الجروح الماكنة المخفية
كنز الوطن وبجيشنا محمية
بترولها ثروة وخير وفالي

والشين شد شمال وقت الضيقة
الجوف وعرعر خابرٍ طريقه
وتبوك واسكاكا في الحقيقة
خلك على ماقيل صدر شمالي

والصاد صار المجتمع متواحد
في المملكة ما ينكر الا جاحد
لغة وقبلة ودين ربٍ واحد
بامن وامان نحقق الامالي

والضاد ضدينا العدو العادي
والواقع يبرهن لك الوكادي
بارض اليمن وانشد حكومة هادي
نحمي الدخيل ونكرم العيّالي

والطاء طبيعتنا مع السياحة
متناسقة مابينها مساحة
تلقى بها الخدمة وتلقى الراحة
ضبابها في صيفها يحلا لي

والظاء ظفرات الملك سلماني
بالحزم وايا العزم ماله ثاني
ادب هل الزيغ وهل الطغياني
سلمان حاكمنا ونعم الوالي

والعين عمرنا الوطن برجاله
شبابنا والكل في مجاله
رؤية وطن من شانها نسعاله
عصبت بالهمة لها دسمالي

والغين غيرنا الزمان الغابر
صرنا على كل الدول نكابر
قوة وفي كل العلوم انثابر
لين ايتوارث مجدنا الاجيالي

والفاء فروسية محمد صالت
في كل دولة بالسياسة جالت
من همته كل الصعايب لانت
اسرج جواده وامتطى الخيالي

والقاف قاف القافيه المبنيه
اقولها من قلب صافي نيه
نظمتها لجل الوطن هديه
واهديه روحي وافتديه بحالي

والكاف كذّبنا هقاوي المغرض
اللي على الشاشات بث ويعرض
اللي يحلل للشعوب و يفرض
ينبح و نبحه ما يهز اجبالي

واللام لا والله ما وهنّا
ولا تراخينا ولا هادنّا
صدر الكرامة يحتمي وطنا
نثبت اذا هبت بنا الاهوالي

واليم مستقبل مجيد و باهر
صار السعودي بكل صنعه ماهر
نصدح بها ونقولها و نجاهر
مافيه لا ريبة ولا اخلالي

والنون نور العلم و المعارف
اشرق على كل الديار وشارف
سيله على ايام الجهالة جارف
كنه ثمارن يانعة تجنى لي

والهاء هبيبة جيشنا سطرها
على ميادين الشرف قررها
روس الخصوم بسطوته حدرها
صيته يزلزل في الملى زلزالي

والواو وسم الخير في رؤيتنا
رؤية ولي العهد هي غايتنا
اخيل مزنه معتلي ديرتنا
يلوح برقه والمزن همالي

والياء يقول الشاعر الذوباني
اللي قصيده بالجزايل باني
تمت وصلوا ع النبي العدناني
من الاف لا الياء بالاجمالي

#الذوباني
 

رد مع اقتباس